NOVO TEATRO FANTÁSTICO

Titúlase este tomo NOVO TEATRO FANTÁSTICO por ser, en certa maneira, continuador daquel FORNO DE TEATRO FANTÁSTICO que o autor publicara en 1991; tratábase entón, como agora, de xuntar algunhas pezas que non había maneira de clasificar atendendo ao destinatario, pois que non foran pensadas estritamente para crianzas nin estritamente para adultos. Eran, simplemente, do xénero fantástico, e de quen nelas quixese entrar. Estas de agora diferéncianse daquelas en que son máis e talvez máis diversas. Os seus títulos e cronoloxía: CANDEA BRANCA (2008), RAMONA E O SOL (2008), GRETEL E BELA (2011), O GATO CON BOTAS (1968-2011), O MANDARÍN BIEN-FU (1969-2011), LOBOS DE MENTIRA (2007) e RATIÑA LINDA (2009); varias delas estreadas, e as dúas últimas, con case trescentas representacións